فيني جـراءه حاضنتها طفولـه
احب صمت الليل واشعاعة النـور
وافـــرح بزخات المطـر وبهطولــه
واحب اجننهم تفاكيـر وصــدود
واحب اكون الصعــب محــدٍ ينولـه
العب على الدنيا ولا اتقـــن الــدور
افشــل واحــاول لين حزت البطولـه
بسـاطتـي ماهــي بعيـبٍ ولا قصـور
ومـاهمــني من قــال عنـي خجـولـه
صحيح ماني شيخة الزين والحــور
اللـي تهــز الكـون عرضـه وطولـه
بس انا عندي قلب لو عاش مقهور
يضحــك لو ان الجــرح يركي حمولـه
وسطه عنادٍ يكره الظلـم ويثــور
علـى عقـول الظالميــن الجهـــولـــه
وبداخلــه تلقـى معانـاة ومـرور
واســرار محكومـــه بصولــه وجولـــه
صحيح في عـــمري مطـــبات وحــدور
وماكـل شـي ناصلـه بسهولـه
هذا ( انا ) طبعي كذا وانت مشكور
ولكـل شخــصٍ ياغناتـي ميــولـه ..
ليست هناك تعليقات:
إرسال تعليق